Каталондық «Барселона» клубының ойыншылары Неймар, Жорди Альба және Иван Ракитич финал алдындағы өз уәделерімен бөлісті. Егер олар финалда «Ювентусты» жеңер болса айтқандарын орындайтынын мәлімдеді.
«Блаугрананың» үздік шабуылшыларының бірі Неймар: «егер біз Чемпиондар лигасын жеңер болсақ, онда достарымызбен қоса шашымызды сары түске бояйтын боламыз» - деді. Ал Жорди Альба мен Иван Ракитич шаштарын алдырып тастауға уәде берді.
Айта кетейік, 2014/2015 жылғы маусымдағы Чемпиондар лигасының финалы 6 маусым күні түнде Берлинде өтеді. Дүбірлі доданың чемпиондық атағына каталондық «Барселона» мен туриндік «Ювентус» таласатын болады.