Қазақстандық аралас жекпе-жек шебері, UFC файтері Асу Алмабаев Қатарда өтетін турнир алдындағы ресми салмақ өлшеу рәсімінен сәтті өтті, – деп хабарлайды Massaget.kz.
Асу турнирде жапон спортшысы Киоджи Хоригучимен шайқасады. Екі спортшы да аса жеңіл салмақтағы титулдық емес жекпе-жекке белгіленген салмақ талабын толық орындап шықты.
- Асу Алмабаев – 56,93 келі;
- Киоджи Хоригучи – 57,15 келі.
Алмабаев пен Хоригучи арасындағы кездесу 21 қарашада Дохадағы ABHA Arena-да өтетін UFC Fight Night турнирінің негізгі кардында болады. Негізгі кард Қазақстан уақытымен шамамен сағат 23:00-де басталады.
Қазақстандық спортшының октагонға шығатын нақты уақыты алдыңғы кездесулердің ұзақтығына қарай өзгеруі мүмкін. Шайқас үш раундқа есептелген.
Аптаның басты оқиғалары мен пайдалы видеоларды көру үшін YouTube арнамызға жазылыңыз
О. Сансызбай