Олимпиада жүлдегері, қазақстандық әлем чемпионы карьерасын аяқтайтыны рас па?

Фристайл-могулдан Пхенчхан Олимпиадасының қола жүлдегері, әлем чемпионы Юлия Галышева биылғы маусымға қатысты жоспарын айтты, - деп хабарлайды Massaget.kz тілшісі.

Спортшы жаңа маусымды бастап кетті. 

"Бұл маусымда көп жарысқа қатыспаймын. Себебі жарақатымнан айығып жатырмын. Қазір бір-екі турнирге қатыстым. Грузиядағы бәсекеде бақ сынауды жоспарлап отырмын.

Ең бастысы - Алматыда өтетін әлем кубогі кезеңінде өнер көрсетемін. Биылғы мақсат - осы.

Ал спорттық мансабымды әзір аяқтамаймын. Мұндай әңгімені кім шығарғанын да білмеймін", - деді спортшы. 
 

Қызықты жаңалықтар мен видеоларды көру үшін TikTok арнамызға жазылыңыз!