Юлия Путинцева жұптық сында Осакадағы турнирдің жартылай финалында ойнайды
Фото:
olympic.kz
Қазақстандық теннисші Юлия Путинцева жұптық сында Осакадағы турнирдің жартылай финалында ойнайды, - деп хабарлайды Massaget.kz тілшісі.
Ол ресейлік теннисші Анна Калинскаямен бірге ширек финалда ұлыбританиялықтар Нэйкта Бэйнс пен Майя Ламсденмен кездесті.
Қазақстандық-ресейлік жұп қарсыластарын 6:1, 6:4 есебімен оңай жеңді.
Енді Путинцева мен Калинская жартылай финалда жапониялық теннисшілер Эри Ходзуми мен Макото Ниномиямен ойнайды.
Айта кетейік, Юлия Путинцева бұл турнирде жекелей сында да өнер көрсетіп жатыр. Ол ширек финалда ертең қытайлық Ван Синьюймен ойнайды.
Қызықты жаңалықтар мен видеоларды көру үшін TikTok арнамызға жазылыңыз!
М. Лұқпан