Қазақстандық боксшылар Канело – Чарло жекпе-жекке шығатын кеште шаршы алаңға шығады

30 қыркүйек күні Лас-Вегаста (АҚШ, Невада штаты) супер орта салмақта абсолютті әлем чемпионы Сауль "Канело" Альварес пен бірінші орта салмақта абсолютті чемпион Джермелл Чарло (35-1-1, 19 КО) жұдырықтасады. Бұл бокс кешінде қазақстандық боксшылар да шаршы алаңға шығады. 

Бокс кешінің кардында Бек Нұрмағанбет (10-0, 8 КО) пен Әбілхан Аманқұл (4-0, 4 КО) өнер көрсететін болды. Отандастарымыздың қарсыласы әзірге белгісіз. 

Бек Нұрмағанбет пен Әбілхан Аманқұл Канелоның командасымен ұзақ уақыттан бері жаттығып келеді. Бұған дейін мексикалық шаршы алаңға шыққан бокс кешінде бақ сынап та көрді.