"Барыс" маусым алдындағы алғашқы ойында жеңіске жетті
Фото:
©ХК "Барыс"
Астананың "Барыс" хоккей клубы "Блинов кубогы" жарысын жеңіспен бастады. Маусым алдындағы алғашқы ойында Ярославльдың "Локомотив" клубын ұтты.
Ойында бірінші болып "Локомотив" хоккейшілері есеп ашты. 4-минутта Александр Волков командасын алға шығарды. Араға бірер минут сала Эмиль Нұрғалиев таразы басын теңестірді. 54-минутта Давид Скленичка "Барысқа" жеңіс сыйлаған шайбаны соқты.
Бастапқыда "Барыс" "Блинов кубогы" турнирінде "Салават Юлаевпен" ойнауы керек болған. Кейіннен бұл өтпейтін болды. Алда Андрей Скабелка шәкірттері 23 тамыз күні "Авангардпен", 25 тамызда "Нефтехимикпен" кездеседі.
О. Сансызбай