Неймар ресми түрде "Әл-Хиләлға" ауысты

16 тамыз 2023, 01:30

Бразилиялық шабуылдаушы Неймар Францияның "Пари Сен-Жерменінен" Сауд Арабиясының "Әл-Хиләл" командасына ауысты. Бұл туралы команданың Twitter-дегі парақшасында жазды, - деп хабарлайды Massaget.kz тілшісі Tengri Sport-қа сілтеме жасап.

Саударабиялық команда клубтық форманы киген 31 жастағы футболшыны таныстырып, оның ресми түрде команда сапына қосылғанын хабарлады.

Бұған дейін бразилиялық шабуылдаушы Неймардың Сауд Арабиясы клубымен келісімшартының егжей-тегжейі белгілі болды: қаламақымен қоса, оған ұшақ пен қызметшілері бар зәулім үй де беріледі.

Сонымен қатар Неймарға өзінің қызы Бруна Бьянкардимен бірге тұруға рұқсат етілгені белгілі болды.