Танымал португалдық футболшы Криштиану Роналду гол соққаннан кейін жүгіріп келіп "Si-i-i-u-u-u!" деп айқайлап кері бұрылатын. Ал сол сөзі қандай мағына білдіреді?
Гол соққаннан кейін бұлай қуануы әлемдік феноменге айналды десем болады. Мұны танымал ойыншылар, өзге спорт түрімен шұғылданатындар мен жас балалардың қайталауы мен үшін зор мәртебе, керемет қуаныш. Siu деген: «Иә» деген мағына білдіретін қарапайым түсінік, - дейді Роналду FourFourTwo басылымына берген сұхбатында.
Айта кетейік, Роналду қазір Сауд Арабиядағы «Әл-Наср» командасында ойнайды. Мамырдағы бір ойынында гол соққаннан кейін "Si-i-i-u-u-u!" деп айқайламай, басын сәждеге қойған болатын.