Қазақстандық боксшы Талғат Сырымбетов Әлем чемпионатындағы екінші кездесуінде жеңілді, - деп хабарлайды Massaget.kz тілшісі.
Ол 60 келі салмақ дәрежесінде Әлем чемпионатына алғашқы рет қатысып, 1/16 финалда Азия чемпионы - иорданиялық Мохамед Абу-Джаджехқа есе жіберді. Осылайша, Талғат әлем чемпионатын аяқтады.
Ол жекпе-жектен кейін өзінің жеңілісі туралы айтып, қазақстандықтардан кешірім сұрады.
"Ассалаумағалейкүм, қазақ елі! Бүгін, өкінішке қарай, мен жеңіліс таптым. Енді төрешілердің шешімі туралы ештеңе айта алмаймын. Себебі жекпе-жек өтіп қойды. Өзімнің ұтылғанымды мойындаймын және төбелес болған соң ештеңе айта алмаймын. Тек осы қазақ елінен, теледидар алдында көріп отырған ата-анамнан кешірім сұраймын. Үмітті ақтай алмадым. Енді келесіде бұдан да мықты және күшті болып оралатыныма сенімдімін және әлі алатын белестерім алда. Бәріне рақмет!", - деді боксшы.
Публикация от Спортты дамыту дирекциясы (@drs_kz)
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!