Юлия Путинцева АҚШ-тағы турнирде әлемнің экс-үшінші ракеткасын жеңді

Қазақстандық Юлия Путинцева (WTA рейтингінде 47-орын) Чарлстондағы (АҚШ) WTA 500 теннис турнирінің стартында жеңіске жетті, - деп хабарлайды Massaget.kz тілшісі Қазақстан теннис федерациясына сілтеме жасап.

Путинцева украиналық әлемнің бұрынғы үшінші ракеткасы Элина Свитолинаны жеңді, ол қызының дүниеге келуіне байланысты ұзақ үзілістен кейін оралды.

Матч үш сетте аяқталды— 6:7 (3:7), 6:2, 6:4. Кездесу 2 сағат 48 минутқа созылды.

Екінші раундта Юлия ресейлік Екатерина Александровамен ойнайды (WTA рейтингінде 17-ші).

Чарлстондағы турнирдің жүлде қоры - 780 000 АҚШ доллары.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!