Қазақстандық файтер Олег Болтин жапондық күресті сәтті бастады, - деп хабарлайды Tengri Sport.
29 жастағы Олег олимпиадалық спорттағы карьерасынан бас тартқан. Ал Жапониядағы алғашқы жекпе-жекте 24 жастағы бәсекелесі Риоха Ойваны жеңген.
"Біреулер бұл күрестегі дебютім екенін жазып жатыр, бірақ олай емес. Жекпе-жек ашық әрі бейресми болды. Біз шоудың басында өнер көрсеттік: жекпе-жек небәрі үш минутқа созылды. Ресми дебют туралы әлі ештеңе айта алмаймын, әлі талқыланған жоқ, бірақ дайындалып жатырмын", - деп түсіндірді Болтин.
Видеода жанкүйерлер спортшыға қол шапалақтап, құрмет көрсететіні естіледі. Оларға Болтиннің әдісі ұнаған. Қазақстандық шоуға 25 мыңға жуық жанкүйер келгенін айтты.
"Токио Доум" үлкен аренасында өнер көрсететінімді айтқан кезде, "Жарайды, дайынмын" деп жауап бердім. Содан кейін олар маған мұның неге керемет мүмкін болатынын түсіндірді. Біріншіден, мұндай турнир жылына бір рет өткізіледі.
Екіншіден, турнир промоушеннің 50 жылдық мерейтойына әрі оның негізін қалаушы - жапон балуаны Антонио Инокиді еске алуға арналды. Күрес әлемінен көптеген атақты спортшылар келді", - деді Болтин.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!