Александр Бублик Ньюпорт турнирінің финалына шықты
Қазақстанның бірінші, әлемнің 42-ракеткасы Александр Бублик Ньюпорт ATP 250 турнирінің финалына шықты, - деп хабарлайды Vesti.kz сайты.
Ол 1/2 финалда аустралиялық Джейсон Кублерді ұтты. Бір сағат он минутқа созылған кездесу 6:3, 6:2 есебімен қазақстандықтың пайдасына шешілді. Айта кетейік, ATP рейтингінде Бублик 42-ші орында, ал Кублер 102-ші орында.
Ертең, 18 шілдеде өтетін финалда қазақстандық теннисші америкалық Максим Крессимен ойнайды.
Г. Досымшалова