“Эль-класико” ойынында “Реал Мадрид” жеңіске жетті

Футболдан Испания Ла лигасының 32-турында "Реал Мадрид" пен "Барселона" командалары кездесті. Мадридтегі "Сантьяго Бернабеу" стадионында өткен матчта алаң иелері 3:2 есебімен жеңіске жетті.

Ойында "корольдік клуб" камбэк жасады. Бірінші болып қонақтар сапынан Андреас Кристиенсен гол соқты. 18-минутта Винисиус Жуниор пенальтиден есепті теңестірді. 

Екінші тайм ортасында Фермин Лопес кезекті рет "Барселонаны" алға шығарды. Алайда "блауграна" есепте басымдығын ұстап қала алмады. 73-минутта Лукас Васкес есепті теңестірсе, ойвн аяқталар тұста Джуд Беллингем "Реал Мадридке" жеңіс сыйлаған голды соқты.

81 ұпай жинаған "корольдік клуб" "Барселонадан" 11 ұпайға озды.