"Барселона" мен "Арсенал" Чемпиондар лигасының ширек финалына шықты

"Барселона" (Испания) мен "Арсенал" (Англия) футбол клубтары Чемпиондар лигасының 1/4 финалына жолдама алды. Командалар түнде өткен қарымта ойындарда қарсыластарынан басым болды.

Хави жаттықтыратын каталондық клуб өз алаңында "Наполиді" 3:1 есебімен ұтты. Ойында Фермин Лопес (15- минутта), Жоау Канселу (17-минутта) және Роберт Левандовски (83-минутта) гол соқты. Неапольдық команда сапында бір голды Амир Рахмани (30-минутта) өз еншісіне жазды. 

Лондонның "Арсенал" футбол клубы да өз алаңында жеңіске жетті. "Портуды" негізгі уақытта 1:0 есебімен ұтып шықты. Жеңіс сыйлаған голды 41-минутта Леандро Троссард соқты. Бірінші ойында дәл осындай есеп айырмасымен португалдық команда жеңіске жеткен. Нәтижесінде ойын экстра-таймға жалғасып, жеңімпаз кездесу соңындағы пенальти сериясында анықталды. 

"Арсенал" командасы қақпашысы Давид Райя Венделл мен Вендерсон Галеноның пенальтиін қайтарып, командасын ширек финалға алып шықты. 

Бұған дейін ширек финалға ПСЖ, "Реал Мадрид", "Бавария" және "Манчестер Сити" командалары шыққан болатын. 

6/8... ?

The quarter-finals are looking ?#UCL pic.twitter.com/I5xpZ8GW7D

— UEFA Champions League (@ChampionsLeague) March 12, 2024