Қазақстан командасының капитаны Асланбек Шымбергенов Париж Олимпиадасына жолдама жолындағы жарысты жеңіспен бастады, - деп хабарлайды Massaget.kz тілшісі.
Ол 71 келіде жұдырықтасып, алғашқы айналымда финляндиялық, өз елінің жеті дүркін чемпионы Сэм Мороватиді сенімді ұтты.
Осылайша, Сәкен Бибосынов, Махмұд Сабырхан, Нұрбек Оралбайлардың ізімен, Шымбергенов те екінші айналымға өтті.
Айта кетейік, қазіргі уақытта Қазақстанның бокстан 2024 жылғы Олимпиадаға екі лицензиясы бар: Қамшыбек Қоңқабаев (92 келіден жоғары) және Карина Ибрагимова (57 келіге дейін) жеңіп алды.
Қызықты жаңалықтар мен видеоларды көру үшін TikTok арнамызға жазылыңыз!