Қазақ боксшылары Белградтағы бәсекеде бақ сынайды

Сербияның Белград қаласында бокстан ересектер арасында өтетін "Белград жеңімпазы" атты халықаралық турнирде қазақ боксшылары да жұдырықтасады. Жарыс 12-18 наурыз аралығында өтеді.

Белградтағы жарысқа баратын құрам анықталып үлгерді. Олардың қатарында әлем чемпионы Санжар Тәшкенбай мен әлем чемпионатының күміс жүлдегері Дулат Бекбауов та бар. 

48 келі: Ернұр Қайрат
51 келі: Санжар Тәшкенбай
54 келі: Дәулет Молдашев
57 келі: Оразбек Асылқұлов
60 келі: Жексен Бейбарыс
63,5 келі: Ерасыл Таңқай
67 келі: Дулат Бекбауов
71 келі: Сабыржан Аққалықов
75 келі: Диас Молжігітов
80 келі: Ерасыл Жақпеков
86 келі: Темірлан Мұқатаев
92 келі: Данияр Рахымбердиев
+92 келі: Дамир Тойбай

Айта кетейік, Қазақстан құрамасы жуырда ғана Болгарияда өткен дәстүрлі "Странджа" турниріне қатысып,  үш медальмен оралған еді.