Елена Рыбакина биылғы маусымда үшінші рет финалға шықты
Фото:
instagram.com/wta
Қазақстанның бірінші, әлемнің төртінші ракеткасы Елена Рыбакина Қатар астанасы Дохада өтіп жатқан WTA 1000 турнирінің жартылай финалындағы матчын өткізді, - деп хабарлайды Massaget.kz тілшісі.
Елена Рыбакина бұл жолы ресейлік теннисші, әлемнің 32-ракеткасы Анастасия Павлюченковамен кездесті.
Қазақстандық теннисші қарсыласын 6:2, 6:4 есебімен жеңді.
Елена матч кезінде үш эйс пен екі қос қателік жасады, алты брейк-пойнттың төртеуін сәтті пайдаланды.
Енді Рыбакина финалда әлемнің бірінші ракеткасы, польшалық теннисші Ига Швентекпен ойнайды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан