Күзге дайындық: Mango бутигі ұсынған киімдер

Көзді ашып-жұмғанша жаздың соңғы айы да басталып кетті. Ал бойжеткендер мен бозбалалар болса, әлі де киім таңдауда. Бірі – сәнге еліктесе, екіншісі – сұлуынан жылуы деп еліміздің құбылмалы ауа райына сай киім сатып алуда. Бұл жолы бойжеткендердің көңілінен шығатын киімді таңдауға Қазақстандағы ең үлкен молл Апорт сауда орталығындағы Mango бутигінің мамандары көмектесті.

Атақты сән журналының  редакторы Диана Вриланд «Нағыз талғам адамның басында. Басы болса қалғаны өз жолымен келеді» дейді. Расымен де, киім таңдар кезде ішкі түйсігімізді тыңдап, киген киімімізге қимыл-қозғалысымызды да сай келтіруіміз керек. Ал әзірге төмендегі образдарды талдайық.  

Өзім қатарлы қыздардың университетте оқып әрі кеңседе жұмыс істеп жүргенін байқағандықтан, алғашқы образды классикаға арнауды жөн көрдім. Естеріңізге сала кетейін, қазақстандық бойжеткендердің 80℅-ы осы стильді таңдайды. Ол бойды жинақы етіп көрсетеді. Ал сырға, білезік сынды аксессуарлар қыз баласына тән нәзіктігімізді айқындай түседі. 

Клатч бағасы - 3 490 теңге

Кеудеше бағасы - 8 990 теңге

Көкірекше бағасы - 13 990 теңге

Шалбар бағасы - 8 890 теңге

Туфли бағасы - 14 990 теңге

Сырға бағасы - 6 490 теңге

Келесі образды көпшіліктің көзайымына айналуды жөн көретін бойжеткендерге арнаймыз. Бұл киімдерді киген кезде байкерлердің сүйіктісіне ұқсағыңыз келмесе күлімсіреуді ұмытпаңыз. Және ең бастысы - биік өкшелі аяқ киім кигенде тізені бүкпей жүру. Сондықтан бұрын-соңды биік өкшелі аяқ киім киіп көрмеген болсаңыз, үй ішінде жүріп жаттығып алыңыз. 

Көйлек бағасы - 12 990 теңге 

Былғары күртеше бағасы - 17 990 теңге

Үшінші образ кэжуал стиліне сай таңдалды. Оны аты айтып тұрғандай күнделікті кез келген жерге киіп баруға болады. Әсіресе джинс шалбарын ерекше атап өткім келеді. Себебі оның белді толықтай жауып тұруы қатты ұнады. Ал мойындағы алқа аксессуары ауырлау болып көрінгенімен, эксперимент жасап көруге болады. 

Футболка бағасы - 7 990 теңге

Джинс шалбар бағасы - 11 990 теңге

Туфли бағасы - 14 990 теңге

Төртінші образымыз мектеп формысына ұқсайды. Сондықтан оны күнделікті тұрмыста емес, кеңсеге немесе университетке киіп баруға болады. Ақ кеудеше мен қара белдемшенің мектеп формысынан айырмашылығы болуы үшін аксессуарлармен толықтыруды ұмытпаған жөн. 

Жейде бағасы - 9 990 теңге

Белдемше бағасы - 7 990 теңге

Білезік бағасы - 2 990 теңге

Туфли бағасы - 19 990 теңге 

Дәл осы төртінші образды жарқын түсті пальтомен толықтыруға болады. Қыстың қамын жаз ойла демекші, күзге деген дайындықты киім бағасы арзан кезде жасап қойған ұтымдырақ болар еді. Мұнымен қатар сөмке мен мойын орағышты да ұмытпаңыз. 

Жейде бағасы - 9 990 теңге

Белдемше бағасы - 7 990 теңге

Білезік бағасы - 2 990 теңге

Туфли бағасы - 19 990 теңге 

Мойын орағыш бағасы - 6 490 теңге

Сөмке бағасы - 13 990 теңге

Қалай десек те, адам көркі шүберек екені рас. Сондықтан оны қашан да үйлестіріп киген абзал. Және сәнді киім міндетті түрде қымбат болуы керек еместігін ескеріңіз. 

Арнайы Massaget.kz үшін: Қарлыға Бүйенбай

Сурет: ©Жолдас Өрісбаев

Апорт: Жазғы жеңілдіктер

Hawaii – жылдың төрт мезгілінде жұмыс істейтін жалғыз аквабақ

Жазғы сән: DeFacto мен Terranova ұсынған киімдер

Жазғы сән: LC Waikiki бутигі ұсынған киімдер