Таңдаулы 9 туит #2

18 сәуір 2013, 18:56

Туиттер желісі өзімен бірге туит, ретуит, хэштег сияқты терминдерді алып келді. Бүгінде бұл сөздерді түсінбейтін туитші жоқ. Әсіресе, хэштег (#) әлдебір оқиға орын алғанда толық ақпарат алу үшін таптырмас көмек. Осындай мол мүмкіндік ұсынып отырған туиттерге секундына 13 аккаунт тіркеледі екен. Бұл мәліметке Қазақстан туитшілері де өз үлестерін қосып жатыр. Айтпақшы, жақында Қазақстан туитшілерінің рейтингін анықтайтын toptweets.kz жобасы пайда болды. Туиттерде аккаунтыңыз болса, осы жобаға кіріп, рейтингтен өзіңізді тауып көре аласыз.

Алдыңғы аптада бастаған үрдісіміз бойынша, осы аптада жазылған мыңдаған туит ішіндегі ең қызықты, ең таңдаулы 9 туитті ұсынамыз.

@GulsaraMilady 11 сәуір жазды:

Маманың телефонындағы смс-терін оқып отырмын. Үйде үш қызбыз. Үшеуміз үш жерден: "Мама, маған анау керек, мынау керек" деп жаза беріппіз...

@ilxamibragim 11 сәуір жазды:

Бүгін мен көліксіз, телефонсыз, ақшасызбын. Шымкенттің ойдым-ойдым жолдары көлікті сындырды. Телефон үйде қалды, ақша әйелімде кетіпті. Тек инет.

@MakpalZhumabay 12 сәуір жазды:

Жеңісім - тірі жүргенім. Мұңайғаным мен күлгенім. Тірлікті ессіз сүю де – Ерлік екенін білгенім.(с)

@bitanazamat 14 сәуір жазды:

Жазған туиті басқа, тәртібі бір басқа жандармен әлеуметтік желіде дос болсақ та, реалда дос болудан сақтасын.

@urimtal 15 сәуір жазды:

Скайпкаст аяқталды. Қатысушылардың арасынан пәкістандық студенттің белсенділігі ерекше байқалды. #kazjur

@timusha 16 сәуір жазды:

Қазақша контент пен қазақ сайтын іздеуде Яндекс алға шығыпты. Гуглге ренжіп отырмын.

@AkynSarin 16 сәуір жазды:

Жоғалтып алған бір адамдарды туиттерден көріп, көзайым боп отырмын... Ой, дүния-ай десеңші!...)))

@tusupbekuly 17 сәуір жазды:

Алатауды көргенде, еріксіз аласарып қаласың)

@IsabekovBekzhan 18 сәуір жазды:

Қызында iPhone, мамасында iPad, ал әкесінде iCайын кредит.

Таңдаулы 9 туиттің ішінен қайсысы ұнағанын пікір ретінде қалдырыңыз.

Дайындаған: @ushkin

М. Оңғарова