Әлемдік танымал брендтердің өсуі мен құлдырауы

Интернетте әлемдік ең танымал брендтердің өсуі мен құлдырауынан ақпар беретін видео тарады. Interbrand агенттігі түзген статистикалық материалда әлемдегі ең беделді 15 компанияның 19 жыл ішіндегі көрсеткіштері сараланған.

- 6 минутқа жетер-жетпес видеода Google мен Apple компанияларының шарықтауы, Nokia компаниясының жарқын жылдары мен құлдырауы, сондай-ақ соңғы 19 жыл ішіндегі нарықтағы өзгерістер қамтылған, - деп жазылған хабарламада.

2000-2008 жылдар аралығында алғашқы ондықта өзгеріс болмаған. Үздік үштік: Coca-Cola, Microsoft және IBM.

2009 жылы Microsoft екінші орыннан сырғып, IBM бір саты жоғарылаған. Араға 3 жыл сала Google Microsoft компаниясын үздік үштіктен ығыстырды. Артынша Apple корпорациясы да Microsoft-ты басып озды.

2013 жылы Apple әлемдік брендтер тізімінде бірінші орынға көтерілді. Сол уақыттан бүгінге дейін көш бастап келеді. Ал Coca-Cola соңғы 5 жылда бесінші орынға бір-ақ түсті.

Nokia бренді 2001 жылы бесінші орында болған. 2011 жылы Apple бұл компанияны үздік ондықтан шығарды. Ал 2012 жылы Samsung бренді танымал болып, Nokia-ға үздік 15 бренд компания қатарынан да орын табылмады.

2014 жылы үздік 15 бренд компанияның қатарына Amazon қосылды. Бар-жоғы 4 жылдың ішінде бұл америкалық компания үздік үштікке бір-ақ көтерілді.

Брендтерді таңдаудағы талаптар:

- компания табысының кем дегенде 30 %-ы өзге елден болуы тиіс;

- бренд Азия, Еуропа, АҚШ және өзге де дамыған аймақтарда сұранысқа ие болуы керек;

- компанияның қаржылық көрсеткіштері туралы сенімді ақпараттардың болуы;

- компания табысы ұзақ мерзімді кезеңде капитал құнынан асып түсуі тиіс;

- бренд экономикасы дамыған елдерде танымал болуы маңызды;