Wonder Girls

[b:2v01xlw7]Wonder Girls[/b:2v01xlw7] – 2007 жылы JYP Entertainment агенттігі құрған және k-поп, поп, данс-поп, R&B, электропоп музыкалық жанрларында өнер көрсететін оңтүстік кореялық танымал топ. Олардың продюсері Пак Чин-ён топты түрлі музыкалық сайыстар мен бағдарламалар арқылы ұзақ уақыт бойы жинақтаған. "Wonder Girls" атауы "әлемді таңғалдыратын қыздар" дегенді білдіреді. Топтың құрамы бірнеше рет өзгеріске ұшыраған. Алғашында Сохи, Хёна, Соне (топ басшысы), Еын, Сонми есімді қыздардан құралды. Алайда топтың басты бишісі Хёна денсаулығының нашарлауы себепті топтан кетуге мәжбүр болды. Оның орнын басты рэппер ретінде Юбин есімді қыз алмастырды.
Қыздар өздеріне сәттілік әкеліп, кореялық шерулердің #1 орнынан көрінген "So Hot", "Nobody", "2 Different Tears" және "Be My Baby" сынды әндерін шығарғаннан соң, Американы бағындыруға кірісті. Америкалық Jonas Records продюсерлік орталығымен келісім-шартқа отырғаннан кейін, бұрынғы әндерінің ағылшын тіліндегі нұсқалары жарық көрді. 2009 жылдан бастап Бангкок, Канада, АҚШ-тың Лос-Анджелес, Ла Мирада, Нью-Йорк, Вашингтон, Атланта, Чикаго, Хьюстон, Даллас, Анахайм және Сан-Франциско қалаларында жеке концерттерін өткізді. 2010 жылы ақпанда Сонми оқуына байланысты топтан шығып кетті, ал JYP Ent. агенттігінің стажері Херим (Лим) оның орнын басып, топтың ең кіші мүшесі ретінде танылды.
2012 жылы қыздар Америкада "The Wonder Girls" атты фильм түсірді. 20 қаңтарда Лос-Анджелес қаласында фильмнің көрсетілімі болып өтті. Және осы фильмге арнап американдық School Gyrls тобымен бірлесіп "The DJ is Mine" әнін шығарды. Ал қазір топ мүшелері осы жылдың соңына қарай шығаруды жоспарлап отырған американдық альбомдарына дайындалуда. Бұл альбомның құрамына ағылшын тіліндегі жаңа 12 ән кірмекші, ал басты саундтрегі Akon-мен бірлесіп шығарған "Like Money" әні болады деп көзделген.