3 түрлi тiлдi сәбилер қалай қабылдайды?

Бұл мәселе әркімді де толғандырары сөзсіз.Астана қаласының балабақшасына баратын інім жаз мезгілінде Тараз қаласындағы ата-әжесінің үйіне қыдырып келген болатын. Сол уақыттарда інім менің қарауымда болды . Бала болған соң ойнатасың , өзім мұғалімдік мамандықты таңдап, сол салада білім алып жатқандықтан, інімді анда-санда кітап бетін парақтатып, білімге деген қызығушылығында жастайынан оятқым келген еді. Сонда байқағаным - бала ағылшын әріптерін танып айтып тұр, ал қазақ әліпбиінен мүлде бейхабар. Ағылшын сандарын сайрап айтып тұр, қазақтың санамақ өлеңдерін білмек түгілі, мүлде мақұрым. Осыдан ойланыңыздаршы, отбасына байланысты десек, әке-шеше таңнан кешке дейін жұмыста, бала күнін балабақшамен өткізуде. Білім саласында 3 тілді де бірден енгізсе ,балаға ауыр болмайды ма ? Алдымен неге туған ана тілінің жұмбақ сырларымен, киелі қасиеттерімен, кең даланың самалымен сусындаған ғажайып тілімзді баланың жүрегіне майдай сылап, қазықтай қадап алып , содан кейін ғана 3 тілді емес керек десеңіз ,10 тілді де үйрете берейік.Бұдан келетін тоқтам , балаға ана тілін жақсы меңгертіп алсақ, бала әрқашан да алдымен туған тілінде ойлап содан кейін ғана сөйлейді.Рухани жан дүниесі де тіл байлығы да мол болар еді. Қазақ тілі қазақ қыздарының мың бұралып билеген әсем толқымалы биіндей шалқымалы , асау емес пе ? Ал, қазақ тілін жақсы меңгерген баланың тілі әр тілге де бұралып,жеңіл түрде игеріліп кетер ме екен деп ойлаймын.Қашанға дейін тіл мәселесін қозғай береміз, әр нәрсенің де тозығы жетпейді ме... Сондықтан да әркім ең алдымен өзінің туған тілін сыйлап, жүрегінің түкпірінде сақтап, өзінің сиқырлы да ғажап тілін, байлығын мақтан тұтса деймін!

Жоқ меніңше түк те қиындығы жоқ. Мысалы қалада қазақ отбасында өскендер қазақша сөйлеп қана қоймай, орыс тілін еркін меңгеріп шығады ғой. Міне, адам миының мүмкіндігі әбден жетеді деген сөз. Қазақ, орыс тілдерімен қатар, ағылшын тілін үйреніп алу керісінше үлкен көмек болмақ

ерте бастан миды ашыта берудің еш қажеті жоқ сиқты...

Жеке өз басым қиналдым. Бізде Байқоңырда орыс тілі бірінші сыныптан бастап оқытылды. Әлі өз тіліндегі әріптерді түгел үйрене алмай жатқан балаға қиын болады екен. Одан кейін Алматыға көшіп келдік еркін өмір басталды, орыс тілі тек 4, ал ағылшын 5сыныпта қосылды. Жалпақ тілмен айтқанда "өлген жоқпыз ғой". Ешкімнен кем емеспіз, қай тілде сөйлесе де "сізді түсінбеймін, қазақша айтшы" дей алатын шамамыз бар.
Әр нәрсе өз бабымен болса игі. Не асығыстық ол? Ұрпаққа обал емес пе?
Басқа тілді адам қазақша үйрене алмауы мүмкін, бірақ қазақ тілді кез келген тілді меңгере алады. Сол себепті, айтарым "үштұғырды" ойлап тапқан тапқышбекке: шет елше үйреткің кеп "өліп бара жатсаң" (тырнақшаға алынған!) әуелі қазақша еркін ойлай, сөйлей алатын мүмкіндік бер балаға. Ана сүті аузынан кеппеген балаға шошқа еті мен гамбургерді тықпалаған жақсы нәрсеге апармайды түбінде.
(естір құлақ болса...)

Мен қазір универдамын, қатты қиналыып жүрм. Барлық сабағымыз ағылшынша өтеді кейбірін түсінем, кейбіреуі тіпті басыма кірмейд, в общем жағдай қиын. Так что, іні сіңлілеріңізді немесе балаларығызды ерте жастан ағылшын тіліне үйреткен олардың өздеріне пайдалы.

Шет тілдері мүлде керек емес демеймін, колледжді ағылшынша бітіріп алып ондайды қалай айтайын, керек-ақ. Бірінші сыныптан бастап оқымасақ та ду ю спик енглишіміз тәуір-ақ. Мәселе мүлде оқытпауда емес, ерте оқытуда. Ана тілі мен әліппені оқып болып бала бір ауық асық ойнап келу керек емес пе? Басыңнан өтіп жатыр екен, Ақжелең, өзің-ақ айтшы, ақыл тоқтатып, ер/бой жеткен студент қиналғаны қиын ба? Әлде, таңертең тәтті ұйқының қанбағаны бар, қоңырауда асыр сала жүгіріп шаршағаны бар, үйге келіп "бәрін қырып келдім" деп мамасына еркелейтіні тағы бар бал дәурен балалық шағында бұғанасы бекіп болмаған сәби қиналғаны қиын ба? Универде бір түсініп, бір түсінбеймін дейсің мектептегі базалық білімің бола тұра. Ал бұған дейін тек доп қуалап жүрген бала не деуі керек сонда?

Бастауыш сыныпта орыс тілін қазақ тілімен бірге меңгеру қиын болды. 5 сыныптан бастап ағылшын және неміс тілі қосылды. 2топқа бөліп,1ші топ-неміс,2ші топ-ағылшын тілін оқыды. 7сыныптан бастап басқа мектепке оқуыма тура келді. Ол мектепте неміс тілін оқытатын мұғалім жоқ екен,ағылшын тілін үйренуіме тұра келді. Қатты қиналдым,басынан бастап қайта оқыдым. Сол кезде менің жасым 12де еді. 3тілді алып жүру қиын еді,миын ашиды,кейде не оқып жұргенінді түсінбей,әр қайсысын шатастырып алатында едім,ол тек менде емес,барлығында солай болды, 1сыныптар қайтерін білмеймін? Онсызда оқып жүрген кейбір кітаптары қате жазылған оқушыды,оқытушыда түсінбейді,не жоғарғы сыныптың бағдарламасын төменгі сыныптарға жазып,шығара алмай әуреге түсетіндеріде бар еді. Енді қалай болады екен? Әлде осы оқу жүйесін шығарған адамдар балалардың бәрі "вундеркид" деп ойлайма екен? Анығы,қазақ тілін дамытудың қамын ойлап отырған адам емес! Оқу жүйесі осылай болар болса "шала қазақтардың" көбейері белгілі.

негізі біріне-бірі ұқсамайтын тілдерді қатар үйренген дұрыс деп жатады

Бала бастауыш сынып біткенше қазақ тілінде ғана сөйлеп, жазуы керек. Әйтпесе, бала емес робот болып кетеді. Оларға бақытты балалық шақ сыйлау қажет. Уақытты ұлт тарихын игеруге жұмылдырған дұрыс.