Махаббат туралы оймақтай ой
Махаббат туралы ел аузында жүрген сөздерді ұсынамыз.
- Көп кешіріп, көпке дейін төзген жандар күтпеген жерден кетіп қалады да, ешқашан оралмайды.
- Ең қиыны - сенімен өткен тәтті күндерді еске алу.
- Қыздар ашуланшақ емес, тек оларды жиі-жиі құшақтап тұру керек.
- Екі адам бір-бірімен шын бақытты болса, үшінші адам ешқашан өз-өзінен пайда болмайды.
- Оның кеткеніне сен кінәлі болсаң ғана кешірім сұрап, қайтарып ал. Ал кінәлі болмасаң, оған бақыт тіле.
- Шын сүйген жігіт үшін қыздың киген киімі мен бетіндегі бояуы маңызды емес, жанында болғанының өзі үлкен бақыт.
- Махаббат деген - бір адамға байланған өмірің.
- Бақытты күндер әлі алда.
- Екі адамның әлемін ешкім түсіне алмайды.
- Саған бақытты болам демеп пе едім? Ендеше, бақыла!
- Жүрегім ауырған кезде үнсіздікті жақсы көрем.
- Бір ауыр соққы бетке тиеді, бір ауыр сөз жүрекке тиеді.
- Сені күн сайын көретін адамдарды қызғанамын.
- Жүрек кімді сүю керектігін таңдайды, тағдыр кіммен бірге болу керектігін таңдайды.
- Қымбаттым, мен - әйелмін. Нәзік жандымын. Мықты болып, екі адам үшін шешім шығарғым келмейді. Егер сен де шешім шығара алмасаң, онда құрбы болып қалайық. Мен өзіме жігіт табайын, сен де өзіңе жігіт тап.
- Қыз бір адам үшін ғана қыз болуы керек, ал қалғандары үшін жақсы адам болса болғаны.
- Егер жігіт бір күн бойы сені іздемесе, ол сенің адамың емес.
- Бақытты жұпқа қарап, қызықпа. Олар да сен жүрген жолмен жүрді, сен көрген қиындықты көрді. Тек ешқашан бір-бірін тастап кетпеді. Соңына дейін шыдады.
- Ең жаман қылық - өзіңді сүйетін жанды мазақ қылу.
- Ұйқыдан оянғанда ең бірінші болып кім есіңе түссе, сол адамды бағала.
Сурет: finewallpaperes.com
Оқи отырыңыз:
Махаббат жайлы қызықты фактілер
М. Оңғарова