Ғалымдар өз зерттеулерімен таң қалдыруды жалғастыруда. Олардың айтуынша, мәңгі махаббат бар! Және ол кішкентай ұсақ-түйектерге байланысты. Статистика негізінде жүргізілген бұл сараптама екі ғашықтың жастағы айырмасын, қызығушылықтар мен әдеттерін есепке алған.
Сонымен сіз өз қарым-қатынасыңызды мәңгі, берік махаббат деп атай аласыз, егер:
Ғашығыңызбен достарыңыз арқылы таныссаңыз. Екеуіңіздің ортақ бір қызығушылығыңыз бар болса. Сіздер күніне үш реттен кем емес құшақтасасыздар. Бір-біріңізге жылы сөздер айтудан шаршамасаңыздар. Айына екі реттен кем емес романтикалық кеш, кездесу ұйымдастырсаңыздар. Үйлену тойларыңыз кездесе бастағаннан кейін 3,5 жылдан кейін болса. Сіздердің жас айырымдарыңыз 2 жыл 3 ай болса. Әрине жігітіңіз сізден үлкен болуы тиіс. Екеуіңіз айына кем дегенде екі рет уақытты бөлек өткізесіздер.Ғалымдардың айтуынша, үйленуге ең жақсы жас - 31 жыл. Қарым-қатынасыңыз "мінсіз" махаббат қағидаларына дәл келсе, қуана беріңіз. Алайда бұның бәрі тек ғалымдардың кезекті сараптамасы екенін ұмытпайық. Шын сезімге еш қағидаларға қарамастан, бір сәтте-ақ беріліп кетсе болады емес пе?
Ал сіздің ойыңызша мәңгі махаббаттың кепілі неде?
Дайындаған: Сания Аринова
Сурет: vk.com