Тоқаев Ұлыбритания королінің тезірек сауығып кетуін тіледі, - деп хабарлайды Massaget.kz тілшісі.
"Мемлекет басшысы Қасым-Жомарт Тоқаев Ұлыбритания және Солтүстік Ирландия Біріккен Корольдігінің Королі ІІІ Чарльздің тезірек сауығып кетуіне тілектестік білдіріп, жеделхат жолдады", - делінген хабарламада.
Еске салайық, бұған дейін Ұлыбритания королі III Чарльзден қатерлі ісік табылғаны хабарланған еді. Бұл жайлы 5 ақпан күні Букингем сарайы мәлімдеді.
Өткен айда III Чарльз ұлғайған простата безін түзету үшін Лондондағы ауруханаға барған. Сол жерде одан онкология анықталған.
"Қатерлі ісік формасын" анықтаған анализдер жүргізілді. Ұлы мәртебелім бүгін жүйелі ем кестесіне көшті. Оған дәрігерлер қоғамдық міндеттерді кейінге қалдыруға кеңес берді. Бірақ Ұлы мәртебелім мемлекеттік істермен және ресми құжаттамалармен айналысуды үйреншікті режимде жалғастырады", - делінген хабарламада.
Ұлыбритания королі қауесеттердің алдын алу үшін және әлем бойынша осы ауруға шалдыққандарға қандай да бір қолдау беру мақсатында өз диагнозымен бөлісуді жөн көрген.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!