Терезелерді жауып, үйде болыңыздар: Алматы тұрғындарынан сақ болу сұралды

Алматының Төтенше жағдайлар департаменті тұрғындарға маңызды ескерту жасады, - деп хабарлайды Massaget.kz тілшісі.

17 сәуірде қалада кей уақытта қатты жаңбыр жауып, күн күркірейді, күндіз бұршақ жаууы да мүмкін. Солтүстік-батыстан соғатын желдің екпіні секундына 15-20 метрге жетеді.

Ведомство азаматтарға мынадай кеңес берді:

• Қатты жел кезінде көлікті ағаштардың астына қалдырмаған жөн.
• Мүмкіндігінше сыртқа шықпай, терезе, есіктерді жауып, үйде болған дұрыс.
• Балкондар мен аулалардан жел ұшырып әкетуі мүмкін заттарды жинап қою қажет.
• Көшеде жүргенде ағаштардан, жарнама тақталарынан, құрылысы аяқталмаған ғимараттардан алшақ болып, кіреберістер мен дүкендерді паналаған жөн.
• Электр желілері мен үзілген сымдар ерекше қауіп төндіреді, оларға жақындауға қатаң тыйым салынады.
• Тұрғындардан тауға шықпау сұралды.

Еске салайық, бұған дейін Алматының коммуналдық қызметі нөсер жауынға байланысты күшейтілген режимге көшкені хабарланды.

Instagram парақшамызға жазылып, ең қызықты ақпараттарды бірінші болып оқыңыз!