Әлеуметтік желіде Алматыдағы Алматы Арена спорт және мәдениет сарайының алдындағы жыртылған Тулар қызу талқыға түсіп жатыр. Кадрлардан Тулардың шеттері жыртылғаны байқалады. Алатау әкімдігі өкілдері осы мәселеге қатысты пікір білдірді, - деп хабарлайды Massaget.kz тілшісі.
Алатау әкімдігі мәліметінше, Тулар үнемі ауыстырылып тұрады.
"Алматы Арена" спорт кешені әкімшілігінің ақпараты бойынша флагштоктағы ілінген Тулар ай сайын ауыстырылады. Кешенде 2 данадан 2 комплект Ту қарастырылған", - делінген хабарламада.
Сонымен қатар, ведомство өкілдері 1 қыркүйекте алаңдағы 4 Ту ауыстырылғанын мәлімдеді. Бірақ олар ауа райы қолайсыз болғандықтан бүлінген.
"11 қыркүйекте қатты жел ұйытқуына байланысты флагштоктағы ілінген 3 Ту зақымданған. Аудан әкімшілігі тарапынан зақымданған Туларды ауыстыру жайлы түсіндірме жұмыстары жүргізіліп, 12 қыркүйекте Тулар алынды", - делінген әкімдік жауабында.
Қазір кешен әкімшілігі жаңа Туларға тапсырыс берген. Әкімдік өкілдері 14 қыркүйекте жаңа Тулар ілінетінінн жеткізді.
Еске салайық, бұған дейін Алматы Арена алдындағы жыртылған Тулар қызу талқыға түскені хабарланған еді. Кадрларды танымал журналист Ирина Әлімжанова желідегі парақшасында жариялады.
Тағы да оқи отырыңыздар: Бұланты және Аңырақай шайқастарын салыстырып, талдау жаса.
Өзекті жаңалықтарды өз уақытында оқу үшін Facebook парақшамызға жазылыңыз!