"Шалға бекер сендім". Тұрлыхановтың ұлы соққыға жыққанын айтқан заңгер даулы мәлімдеме жасады
!["Шалға бекер сендім". Тұрлыхановтың ұлы соққыға жыққанын айтқан заңгер даулы мәлімдеме жасады](/userdata/news/news_84593/image_l.jpg)
Спортшы, қоғам қайраткері Дәулет Тұрлыхановтың ұлынан зардап шеккенін айтқан заңгер Анна Чернова тағы да мәлімдеме жасады, - деп хабарлайды Massaget.kz тілшісі Vesti.kz-ке сілтеме жасап.
"Бәрі тынышталғанын күтсе керек. Антикорға арыз жазып жатырмын. "Бәрі заңды болсын, мен араласпаймын" деген сөзде тұру қиын болған сияқты. Шалға сенген мен де жындымын, бекер сендім, көзім жетті", - деп жазды ол Желіде.
Оның сөзінше, іс сәуірде сотта болу керек еді, ал қазір маусым.
"Оларды бәрі қорғаштайды, олар үшін уайымдайды, ал біз... Бізді соққыға жығып, денсаулығымызға зиян келтіріп, одан кейін риза жоғарыда жүре беру норма ма? Бәрі қорқып, жалпақтап "анандай фамилия" деп... Қандай ол?! Сәке мен Бәкелерге тойдық!" - дейді ол.
Еске салайық, бұған дейін Алматыда әскери қызметкер белгілі адвокатты соққыға жыққаны хабарланған болатын. Бұл оқиға 11 ақпанға қараған түні Алматының сауда орталықтарының бірінің маңындағы паркингте болған. Іс қоғамдық дау тудырды.
Бұл оқиға туралы адвокат Олег Черновтың әйелі Анна Димитриевич Facebook-парақшасында жазған. Олар таксиге отыра бергенде бір жігіт жүгіріп келіп, соққыға жығылған қызға көмектесуін сұраған.
Алматы ПД бұл дерек ҚР Қылмыстық кодекстің 293-бабы "Бұзақылық" бойынша соталды тергеудің бірыңғай тізіліміне тіркелгенін хабарлады.
Ал кейін адвокатты соққыға жыққан әскери қызметкер грек-рим күресінен қазақстандық және бұрынғы Кеңес Одағының палуаны Дәулет Тұрлыхановтың ұлы болып шықты. Бұл ақпаратты Тұрлыхановтың өзі растаған болатын. Ол ұлына қатысты дауға көзқарасын білдіріп, кешірім сұрады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова