Неліктен артрит жазда асқынып кетеді?

Жаз көпшілік адам үшін белсенді демалу, күннің шуақты көзі, маусымдық көкөністер мен жемістерден алынатын дәрумендермен байланысты. Алайда созылмалы аурулары бар адамдардың жиі жылы кезде симптомдары асқынып кетеді. Сондай аурулардың бірі - артрит. Ревматолог Динара Дадашева Аif.ru-ге оның себебін түсіндіріп берді, - деп хабарлайды Massaget.kz тілшісі.

Артрит — буындарға әсер ететін аурулар тобының ұжымдық атауы. Оның әр түрінің асқынуының өзіндік себебі бар. Мысалы, ревматоидты артрит ылғалды және температураның өзгеруіне байланысты маусымаралық кезеңде асқынуы ықтимал. Күзде және қыста инфекциядан кейінгі және вирустан кейінгі артриттердің өршуі артады.

Ал жазда әдетте подагра артриті асқынады. Бұл ауру метаболизмнің бұзылу фонында дамиды.

Қандай жазғы әдеттер артриттің асқынуына әкелуі мүмкін?

Жиі пикникке шығу. Кәуәп - көпшілік жазда жиі жейтін тағамның бірі. Алайда подаграсы бар науқастар үшін пикникке көп шығу қауіпті болуы мүмкін. Етте, әсіресе, қызыл етте пуриндер биохимиялық қосылыстары көп. Олар ағзаға түскеннен кейін зәр қышқылына дейін ыдырайды, оның артық мөлшері буындарда жиналып, артриттің өршуіне әкелуі мүмкін. Алкоголь, соның ішінде көпшіліктің сүйікті сырасы да осындай әсер береді. Алкогольді ішімдіктер зәр қышқылына дейін ыдырайды және оның ағзадан шығуына кедергі келтіреді.

Физикалық белсенділік. Жазда біз көбірек қозғаламыз: жиі серуендейміз, таза ауада спортпен шұғылданамыз, жүземіз, серуендейміз. Қарқынды физикалық белсенділік буындарға түсетін жүктемені арттырады, бұл артриттің өршуіне әкелуі мүмкін.

Ағзадағы сұйықтықтың жетіспеушілігі. Ыстық ауа-райында дене термен көп сұйықтық жоғалтады. Су тепе-теңдігінің бұзылуы және сусыздану қандағы зәр қышқылының концентрациясын жоғарылатады, содан кейін подаграның өршу қаупі артады.

Күн ванналары. Күннің көптігі қызыл жегі - аутоиммунды аурумен қиналатын адамдарға қауіп төндіруі мүмкін. Күн сәулесінің тұрақты және ұзақ әсер етуі мұндай науқастарда теріде бөртпелердің шығуына және ағзадағы, соның ішінде буындардағы қабыну процестерінің күшеюіне әкелуі мүмкін.

Ыстық елдерге демалысқа бару. Ыстық елдерге демалысқа барып келгеннен кейін де артрит асқынып кетуі мүмкін. Температураның күрт төмендеуі және акклиматизация әдетте суық тиюге және ЖРВИ-ге әкеледі, содан кейін инфекциядан кейінгі артрит дамиды. Ал швед үстелі, тамақтың көптігі мен алкогольдік сусындарды мөлшерден тыс тұтыну подаграның асқынуына әкелуі мүмкін.

Жазда артрит асқынып кетпес үшін не істеу керек?

Жазғы артриттің асқынуының алдын алу үшін бірнеше қарапайым сақтық шараларын сақтау жеткілікті:

• Суды көбірек ішіңіз. Физикалық белсенділікті бақылаңыз: буындар орташа жүктемені жақсы көреді. Кенеттен марафон жүгіруді немесе тиісті дайындықсыз ұзақ шақырымға жүгіруді бастауға асығудың қажеті жоқ.
• Тамақтануда шаманы сақтаңыз. Құрамында пурин мөлшері жоғары тағамдарды тұтынуды шектеңіз, порция мөлшерін бақылаңыз және рационның үйлесімді болуын қадағалаңыз.
• Күн тиюден сақ болыңыз. Күн белсенділігінің ең жоғары кезеңінде сыртта көп жүрмеуге тырысыңыз, күннен қорғайтын кремдерді қолданыңыз және ыстықта бас киім киіп шығыңыз.

Instagram парақшамызға жазылып, ең қызықты ақпараттарды бірінші болып оқыңыз!