Моңғолия билігі жаппай наразылыққа себеп болған көмір ұрлау ісін тергеу үшін комиссия құрады, - деп хабарлайды Mass телеарнасы.
Телеарна мәліметінше, бұл туралы парламент спикері Гомбожавын Занданшатара мәлімдеген. Оның айтуынша, парламент көмір ұрлау туралы іс бойынша ашық тыңдалым өткізеді. Осы іс-шарада бұл іске қатысқан шенеуніктердің есімдері жарияланады.
"Штат конгресі көмір ісі бойынша ашық тыңдалым өткізеді. Көмір ісіне қатысқан шенеуніктердің есімдері ашық тыңдалымда жарияланады. Парламент мүшелері халықтың елшілері саналады және халық байлығын ұрлаған кез келген адам заңмен жазалануы керек", - делінген хабарламада.
Сондай-ақ, ол көмір сатудағы сыбайлас жемқорлық пен парақорлық барлық деңгейде бар екенін айтты.
"Барлық деңгейде сыбайлас жемқорлық пен парақорлық болғандықтан, мәселені кешенді және құқықтық нормалармен шешу қажет. Мұндай мәселе алда да туындамауы үшін бәрі жұртшылыққа ашық болуы керек", - деді ол.
Еске салайық, бұған дейін Моңғолияда жаппай митинг болып жатқаны хабарланған еді. Мәселе көмірге байланысты туындаған. Жергілікті БАҚ өкілдері Моңғолиядан шығарылған көмір мөлшері Қытайға жеткізілгеннен басқаша екенін мәлімдеген болатын. Осыған байланысты елде наразылық басталған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!