Атырау облысының қылмыстық істер жөніндегі мамандандырылған ауданаралық сотында жұбайының туыстарын өлтірді деп айыпталған Сұлтан Сарсемәлиевке қатысты сот отырысы өтіп жатыр. Кезекті сот отырысында қылмыстық іс бойынша заттай дәлелдер көрсетілді, - деп хабарлайды Massaget.kz тілшісі.
Тергеу нұсқасы бойынша ол құрбандарына 60-қа жуық пышақ жарақатын салған. Мейрамгүл Қарабалинаға 32, Наурыз Мұқанғалиевке 10, Мақсот Қарабалинге 9, Нәсіп Өтешқалиеваға 8 соққы тиген.
Сотта айыпталушы Сұлтан Сарсемәлиев кінәсін ішінара мойындады. Ол Мейрамгүл Қарабалинаны, жұбайының әкесі мен анасын қасақана өлтіргенін мәлімдеді. Алайда Наурыз Мұқанғалиевті өлтіруді жоспарламағанын айтты.
17 маусымда сот қылмыстық іс бойынша заттай дәлелдерді зерттеді. Сот залына қаза тапқандардың жеке заттары, соның ішінде ұялы телефондар, планшет, банк карталары, құжаттар, басқа да заттар әкелінді.
Сондай-ақ, процесс қатысушыларына қаза тапқандардың киімдері, тергеу нұсқасы бойынша Мейрамгүл Қарабалинаны жерлер алдында ораған кілем көрсетілді.
Десе де қылмыс жасау кезінде пайдаланылды делінген екі пышақ әлі күнге дейін табылмаған.
Судья Зарема Хамидуллина басқа да заттай дәлелдердің тізімін оқыды. Олардың арасында:
Дәлелдерді зерттеу барысында Сарсемәлиев бір SIM картаны ауыстырып сала отырып, үш ұялы телефонды пайдаланғанын айтты.
Еске салайық, 2025 жылы 25 желтоқсанда Атырау облысының полициясына бір отбасы жоғалғаны туралы арыз түскен. Туыстарының айтуынша, отбасы қарашадан бері байланысқа шықпаған. Төртеуіне де жоғалып кеткен адамдар ретінде іздеу жарияланды:
Бұл дерек бойынша соталды тергеп-тексеру басталып, жедел тергеу тобы құрылды.
6 қаңтарда ерлі-зайыпты сарайдың ішінен өлі табылды. 8 қаңтарда ерлі-зайыптыны ақтық сапарға шығарып салу рәсімі өтті. Осыдан кейін іс адам өлтіру дерегі бойынша қайта сараланып, марқұмдардың балаларын іздеу жұмыстары жалғасты. Кейін олар да өлі табылды.
Қылмыс жасады деген күдікпен 29 жастағы ер адамға, яғни осы отбасының бұрынғы күйеу баласына халықаралық іздеу жарияланды. Онымен бірге ерлі-зайыптының кіші қызына да халықаралық іздеу жарияланды. Бұрын ол күдіктімен некеде тұрған.
Күдікті Сұлтан Сәрсемәлиевті іздестіру ісі 8 қаңтарда Атырау облысында тіркелді. Іске бастамашы болған - ІІМ. Бұл істі Атырау облысы Полиция департаменті жүргізді.
24 ақпанда ҚР ІІМ Атырау облысындағы қос кісі өлтіру ісі бойынша күдіктіні және марқұмдардың кіші қызын Индонезияда ұстағаны белгілі болды.
Кейінірек ІІМ баспасөз қызметі күдікті Сұлтан Сәрсемәлиевке қатысты Қылмыстық кодекстің мына баптары бойынша тергеу жүргізіліп жатқанын хабарлады:
2026 жылы 18 мамырда атышулы іс бойынша сот отырысы басталды. Сот отырысы барысында прокурор Мирас Бауыржанов айыптау актісін оқыды.
Instagram парақшамызға жазылып, ең қызықты ақпараттарды бірінші болып оқыңыз!