Орталық сайлау комиссиясы жаңа бір палаталы Құрылтай депутаттарын тіркеді, - деп хабарлайды Massaget.kz тілшісі.
Бүгін Орталық сайлау комиссиясының XVI отырысы өтіп, Құрылтай депутаттары тіркелді. Іс-шараға Құрылтайдың барлық депутаты қатысты.
Нұрлан Әбдіров "Қазақстан Республикасының Құрылтайы және оның депутаттарының мәртебесi туралы" конституциялық заңның 44-бабына сәйкес Құрылтай депутатының өкілеттігі Орталық сайлау комиссиясында депутат ретінде тіркелген сәттен басталатынын айтты.
"Сіздердің өкілеттіктеріңіз Орталық сайлау комиссиясында тіркелген сәттен басталды. Енді сіздер - Қазақстан Республикасының заң шығарушы билігін жүзеге асыратын жоғары өкілді орган - Қазақстан Республикасы Құрылтайының депутатысыздар. Құрылтай депутаттары тікелей сайлау құқығы негізінде сайланды. Сайлау науқанының барлық кезеңі заңнама талаптарына сәйкес ұйымдастырылды", - деді Нұрлан Әбдіров.
Іс-шара соңында Құрылтай депутаттарына куәліктер мен төсбелгілер табыс етілді.
23 тамызда Қазақстанда жаңа бір палаталы Парламент - Құрылтай депутаттарын сайлау өтті. Бұл - 1991 жылдан бергі оныншы парламенттік сайлау және жаңа Конституция қабылданғаннан кейінгі алғашқы сайлау.
Сайлауға 7 партия қатысты. Құрамы мынадай:
1 шілдеден бастап Қазақстан ресми түрде "жаңа дәуірге" қадам басты. Елде жаңа Конституция өз күшіне енді.
Конституциялық реформадан кейін Мәжіліс пен Сенат жұмысын тоқтатып, депутаттар таратылды. Енді елде қос палаталы Парламенттің орнына Құрылтай жұмыс істейді.
25 тамызда Орталық сайлау комиссиясы Құрылтай депутаттарын сайлау бойынша қорытынды нәтижені жариялады. Партиялар Құрылтайға өтуі үшін жалпы дауыс берушілер санының кемінде 5 пайызын жинауға тиіс болатын.
Құрылтайға бес саяси партия өтті. Мандаттар былай бөлінді:
Instagram парақшамызға жазылып, ең қызықты ақпараттарды бірінші болып оқыңыз!