Атырауда Жангелдиндегі трагедияға қатысты сот отырысы жалғасып жатыр. Кеше марқұмдарға сот-медициналық сараптама жасаған сарапшы сот алдында жауап берді, - деп хабарлайды Massaget.kz тілшісі "КТК" телеарнасына сілтеме жасап.
Бұған дейін Наурыз Мұқанғалиевтің басы мен денесі бөлек табылғаны айтылған еді. Бұл қылмыстық істі ашу барысында күмән туғызған. Сотта сарапшыға осыған қатысты сұрақтар қойылған.
Сарапшы сүйек ұзақ уақыт жатып шірігеннен көп жарақат анықталмағанын және бөлек қазып алып жатқанда да бөлініп кетуі мүмкін екенін айтқан. Өйткені Наурыз Мұқанғалиевтің сүйегі он айдан кейін ғана табылып, сараптама жасалған.
Сонымен қатар, марқұм үй иесінің қарындасы "Сұлтан Сәрсемәлиевтің сот процесі кезіндегі жауаптарының бәрі жалған" деген. Телеарна мәліметінше, марқұм Мақсот Қарабалиннің қызын алып кетуіне Сәрсемәлиевтің көзге шөп салуы түрткі болған.
"Әкесі келіп алып кетті" деп отыр ғой. Ол жерде әкесі алып кетейін деп алып кеткен жоқ. Ақбаян хабарласып, "осындай жағдай болып жатыр. Ондай адаммен тұра алмаймын" деп айтқаннан кейін ғана әкесі келіп араласты", - деді марқұм Мақсот Қарабалиннің қарындасы Әдемі Шылмағамбетова.
Айта кетейік, тергеу нұсқасы бойынша ол құрбандарына 60-қа жуық пышақ жарақатын салған. Мейрамгүл Қарабалинаға 32, Наурыз Мұқанғалиевке 10, Мақсот Қарабалинге 9, Нәсіп Өтешқалиеваға 8 соққы тиген.
Сотта айыпталушы Сұлтан Сарсемәлиев кінәсін ішінара мойындады. Ол Мейрамгүл Қарабалинаны, жұбайының әкесі мен анасын қасақана өлтіргенін мәлімдеді. Алайда Наурыз Мұқанғалиевті өлтіруді жоспарламағанын айтты.
Атырау облысында жоғалған отбасының ісі
Еске салайық, 2025 жылы 25 желтоқсанда Атырау облысының полициясына бір отбасы жоғалғаны туралы арыз түскен. Туыстарының айтуынша, отбасы қарашадан бері байланысқа шықпаған. Төртеуіне де жоғалып кеткен адамдар ретінде іздеу жарияланды:
- 66 жастағы Мақсот Қарабалин;
- 64 жастағы Нәсіп Өтешқалиева;
- 35 жастағы қыздары Мейрамгүл Қарабалина;
- 32 жастағы ұлдары Наурыз Мұқанғалиев.
Бұл дерек бойынша соталды тергеп-тексеру басталып, жедел тергеу тобы құрылды.
Атырау облысы ПД
6 қаңтарда ерлі-зайыпты сарайдың ішінен өлі табылды. 8 қаңтарда ерлі-зайыптыны ақтық сапарға шығарып салу рәсімі өтті. Осыдан кейін іс адам өлтіру дерегі бойынша қайта сараланып, марқұмдардың балаларын іздеу жұмыстары жалғасты. Кейін олар да өлі табылды.
Tengrinews.kz
Күдікті туралы
Қылмыс жасады деген күдікпен 29 жастағы ер адамға, яғни осы отбасының бұрынғы күйеу баласына халықаралық іздеу жарияланды. Онымен бірге ерлі-зайыптының кіші қызына да халықаралық іздеу жарияланды. Бұрын ол күдіктімен некеде тұрған.
Күдікті Сұлтан Сәрсемәлиевті іздестіру ісі 8 қаңтарда Атырау облысында тіркелді. Іске бастамашы болған - ІІМ. Бұл істі Атырау облысы Полиция департаменті жүргізді.
qamqor.gov.kz24 ақпанда ҚР ІІМ Атырау облысындағы қос кісі өлтіру ісі бойынша күдіктіні және марқұмдардың кіші қызын Индонезияда ұстағаны белгілі болды.
Кейінірек ІІМ баспасөз қызметі күдікті Сұлтан Сәрсемәлиевке қатысты Қылмыстық кодекстің мына баптары бойынша тергеу жүргізіліп жатқанын хабарлады:
- 99-баптың 2-бөлігі 1 және 13-тармақтары - "Екі немесе одан да көп адамды өлтіру";
- 188-баптың 2-бөлігі - "Алдын ала сөз байласу арқылы адамдар тобы жасаған ұрлық";
- 190-бап - "Алаяқтық".
Сот отырысы
2026 жылы 18 мамырда атышулы іс бойынша сот отырысы басталды. Сот отырысы барысында прокурор Мирас Бауыржанов айыптау актісін оқыды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова