Қазақстандықтар Түркияда жер сілкінісінен зардап шеккендерге киіз үй орната бастады

Танымал журналист Нұрбек Бекбау бастаған қазақстандықтар Түркияда жер сілкінісінен зардап шеккендерге киіз үй орната бастады, - деп хабарлайды Massaget.kz тілшісі.

Түркияға орнатылатын киіз үйлердің алғашқы легі кеше, 12 ақпанда шықты. Ал Нұрбек Бекбаудың өзі 11 ақпаннан бері Түркияда. 

"Ал құрметті бауырларым, аға-әпкелерім: Сіздердің қаражатпен жиналған киіз үйлерді Түркияға апару, құрастыру үшін арнайы тобым ұшаққа отырды. Кіл сайдың тасындай іріктелген! Мен кеше келіп алдым. Бүгін қарсы алып, осы топпен зілзаладан қираған қалалар жанына боз үйлерді тігеміз. Ошақ орнатып, қазанда ас қайнатып, бір туғандарға болысамыз", - деп хабарлаған еді журналист. 

Посмотреть эту публикацию в Instagram

Публикация от Нұрбек Бекбау (@nurbek_bekbau)

Бастапқыда 30 киіз үй жеткізілген. Журналистің сөзінше, тағы 84 киіз үй жеткізілуі қажет. 

Посмотреть эту публикацию в Instagram

Публикация от Нұрбек Бекбау (@nurbek_bekbau)

Ал Астана уақыты бойынша 5 сағат бұрын алғашқы киіз үйлер тігіле бастаған. 

Посмотреть эту публикацию в Instagram

Публикация от Нұрбек Бекбау (@nurbek_bekbau)

Еске салайық, бұған дейін танымал журналист Нұрбек Бекбау Түркиядағы жер сілкінісінен зардап шеккендерге 100 киіз үй жіберуді ұсынған болатын.

Журналистің ұсынысын танымал қазақстандықтар да қолдаған. Оның ішінде әнші Сәкен Майғазиев те бар. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!