"Казахстанская" шахтасындағы жұмысшының өліміне қатысты істің мән-жайы айтылды, - деп хабарлайды Massaget.kz тілшісі Қарағанды облысы Полиция департаментінің баспасөз қызметіне сілтеме жасап.
"6 қарашада Шахтинск қаласында "Ленин" және "Қазақстан" шахталарының арасындағы трансформаторлық кабинаның жанынан 24 жастағы ер адамның мәйіті табылды. Бұл дерек полицияда тіркелді. Тиіс сараптамалар тағайындалып, қорытындысы бойынша процестік шешім қабылданады", - деді полиция қызметкерлері.
Еске салайық, бүгін "АрселорМиттал Теміртау" кенішінде жұмысшының мәйіті табылды.
3 қарашада Қарағанды облысының Шахтинск қаласында "АрселорМиттал Теміртау" шахталарының бірінде газ шықты. Салдарынан 5 жұмысшы қаза тапты. Ақпаратты ТЖМ ресми өкілі Руслан Иманқұлов растады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!