Генерал Серік Күдебаев елден қашқаны үшін сотталды
![Генерал Серік Күдебаев елден қашқаны үшін сотталды](/userdata/news/news_87297/image_l.jpg)
Серік Күдебаев елден қашқаны үшін сотталды, - деп хабарлайды Massaget.kz тілшісі.
Алматы облысы Кеген аудандық сотында Күдебаевтың елден қашу ісі қаралды. Экс-генерал қашықтан сотталды.
Сот шешімімен Серік Күдебаев ҚР Қылмыстық кодексінің 392-бабы "Қазақстан Республикасының Мемлекеттiк шекарасын қасақана заңсыз кесіп өту" бойынша кінәлі деп танылды. Ол алты айға бас бостандығынан айырылды. Жалпы, жазаның негізінде және ішінара қосу арқылы генерал 10 жыл 3 айға бас бостандығынан айырылды.
Еске салайық, бұған дейін прокурор Серік Күдебаевты 9 жылға бас бостандығынан айыруды сұрағаны хабарланған болатын. Кейін күдікке ілінген генерал Күдебаев ауруханаға түскені белгілі болды. Сондай-ақ, Серік Күдебаевқа қатысты сот отырысы төртінші рет кейінге шегерілді.
Генерал Серік Күдебаев сотқа мәжбүрлі түрде жеткізіледі
Кейін Күдебаевқа халықаралық іздеу жарияланғаны белгілі болды. Сондай-ақ, оның жұмыс істеп тұрған шекара бекеттерінен өтпегені хабарланды.
Ал ҰҚК Шекара қызметі Алматы облысы полиция департаментінің бұрынғы бастығы, генерал Серік Күдебаев Қырғызстанмен мемлекеттік шекараны кесіп өтуі мүмкін жерді іздестіріп жатқаны белгілі болды. Ал БАҚ-та "генерал Солтүстік Кипрде жүр" деген ақпарат та тараған еді. Бас прокуратура Күдебаев Бішкектен Ыстамбұлға ұшып кеткені туралы мәлімдеме жасады.
Қашқын генерал Күдебаевтың тауда жеке шаруашылығы бар - ҰҚК
Ал кеше Бас прокуратура генерал Күдебаев ұсталғанын растады.
28 сәуірде Күдебаевқа сот үкімі шықты. Жетісу облыстық соты мәліметінше, Серік Күдебаев 10 жылға бас бостандығынан айырылды. Ол жазасын орташа қауіпсіз мекемесінде өтейді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек