Дәрігер магний жетіспеушілігінен туындайтын ауруларды атады

Магний - бұлшықет пен жүйке жүйесіне жауап беретін негізгі элемент. Қазір адамдардың 80%-ында магний тапшылығы бар. Невролог Ұлжалғас Сманова өзінің инстаграм парақшасында магний элементі не нәрсеге жауап беретінін және оның жетіспеушілігі қандай ауруларға әкелетінін айтты, - деп хабарлайды Massaget.kz тілшісі.

Дәрігердің айтуынша, магний элементі ағзадағы мына нәрселерге жауап береді:

• Қандағы қантты реттейді;
• Қан қысымын бақылайды;
• Дәрумендердің ағзаға сіңуіне көмектеседі.

"Егер адам кофеин, алкоголь, тазартылған қантты немесе антибиотиктерді жиі тұтынса, міндетті түрде магний жетіспеушілігі пайда болады. Сондай-ақ тәбет жоғалады, шаршай береді және көңіл-күй болмайды. Бұның бәрі магний жетіспеушілігінің алғашқы белгілері. Медицина ғалымдары күйзелістің де дәл осы магнийге қатысы бар екенін айтып келеді", - деп жазды Ұлжалғас Сманова.

Посмотреть эту публикацию в Instagram

Публикация от НЕВРОЛОГ ДӘРІГЕР НУТРИЦИОЛОГИЯ (@doctor_smanova)

Невролог магний жетіспеушілігі мына салдарларға әкелетінін айтты:

• Аяқ-қол шаншиды;
• Ұйқысыздық пайда болады;
• Психикалық бұзылыстар болады;
• Остеопороз пайда болады.

Магнийді қандай тағамдардан алуға болады. Мына жерден оқыңыз.