Дәрігер ерлер белсіздігінің ең жиі кездесетін себебін айтты

Статистика бойынша, әлемдегі ерлі-зайыптылардың 15%-ы бедеулікке байланысты бала көтере алмайды. Мұндай жағдайда тек әйелді кінәлі санауға болмайды. Әрбір үшінші жағдайда бедеулік ер адамның денсаулығындағы проблемалармен байланысты. Doctorpiter порталына хирург Виктор Балдин ерлер белсіздігінің ең көп тараған себебі - варикоцеле туралы айтып берді, - деп хабарлайды Massaget.kz тілшісі.

Дәрігердің айтуынша, 40% жағдайда ер адамдарға варикоцеле диагнозы қойылады.

"Варикоцеле — бұл ұма көктамырлары өрімінің кеңеюі және олардағы қан ағымының баяулауы. Ол науқастардың  осы жерінің жиі ауыруын және ыңғайсыздық сезімін тудыруы мүмкін және бұл олардың репродуктивті денсаулығына теріс әсер етуі мүмкін", — деп түсіндірді флеболог-дәрігер Виктор Балдин.

Ауруды уақытында анықтау маңызды, сол кезде белсіздік мәселелерін шешудің қажеті болмайды. Диагноз ұманы УДЗ-ға түсіргеннен кейін және шәуетті тексергеннен кейін қойылады. Осыдан кейін аталық бездегі қан ағымын жақсарту және олардың жұмысын қалпына келтіру маңызды. Емдеу тәсілі әртүрлі болуы мүмкін.

Варикоцелені қалай емдеуге болады?

"Тарихи тұрғыда, варикоцелені емдеудің алтын стандарты - Мармара отасы деп танылған Мармара тамырларын микрохирургиялық байлау", - деп түсіндірді дәрігер. - 16 есе үлкейту мүмкіндігі бар микроскопты және микрохирургиялық техниканы пайдалану сәтті нәтижелерге қол жеткізуге мүмкіндік береді".

Қазіргі медицинада аталық без тамырларының пункциялық эндоваскулярлық эмболизациясы жиі қолданылады.

"Бұрын жасалған классикалық операциядан кейін қайталану жағдайында бұл әдіс таңдау операциясы болып табылады", — дейді Виктор Балдин. — Оның басты артықшылығы-операциядан кейінгі лимфостаздың даму қаупі, кесулер мен тігістердің болмауы. Операцияны, тіпті, амбулаториялық негізде, ауруханада жатпай-ақ жасауға болады".

Дәрігердің айтуынша, операциядан кейін алты айдан бір жылға дейін ер адам сперматогенезі қалпына келеді және шәует параметрлері жақсарады. Сондай-ақ процесті ынталандырушы ем арқылы жеделдетуге болады.

"Әр адамның ағзасы әртүрлі, сондықтан варикоцелеге күдік болса, дәрігерге қаралуды кейінге қалдырмау керек. Тек дұрыс диагноз қою және оңтайлы емдеу сіздің денсаулығыңызды тиімді басқаруға мүмкіндік береді", - деп қорытындылады дәрігер.

Простатитке массаж қолдану дұрыс па? – Уролог жауабы