"Белбеуіне асылған". Жаңаөзенде әскери қызметкер қайтыс болды
!["Белбеуіне асылған". Жаңаөзенде әскери қызметкер қайтыс болды](/userdata/news/news_75731/image_l.jpg)
Маңғыстау облысында келісімшарт бойынша әскери қызметші өз бөлмесінде асылып қалған. Мәйітті әріптесі тапқан. Бұл туралы Ақтау гарнизонының әскери прокуроры Ерлан Құтқожа мәлімдеді, - деп хабарлайды Lada.kz.
Басылым мәліметінше, қайғылы оқиға ҚР Ұлттық ұланының 5548 әскери бөлімінің Жаңаөзендегі жатақханасында болған. 19 жастағы жігіт өз бөлмесінде белбеуіне асылып қалған.
"Марқұм Ұлттық ұлан қатарында 2021 жылдан бері болды. Ақтөбе облысынан келген. Келісімшарт бойынша маман-сапер болып қызмет етті. Ол үйленбеген. Туыстарына қайғылы жағдай хабарланды. Қазір барлық жағдайды анықтап жатырмыз", - деді Ақтау гарнизонының әскери прокуроры Ерлан Құтқожа.
Еске салайық, бұған дейін биыл қаза болған сарбаздардың жұмбаққа толы өлімі туралы материал жарияланған болатын.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова