Алматыдағы жер сілкінісі: университеттерде сабақ бола ма?
![Алматыдағы жер сілкінісі: университеттерде сабақ бола ма?](/userdata/news/news_99714/image_l.jpg)
Ғылым және жоғары білім министрі Саясат Нұрбек Алматыдағы жер сілкісіне қарамастан қаладағы университеттерде сабақ болатынын мәлімдеді, - деп хабарлайды Massaget.kz тілшісі.
Оның айтуынша, шұғыл түрде жұмыс жүргізілген.
"Барлық студент уақытында эвакуацияланды. Кейбіреуіне туыстарына алып кетті. Университеттерде семестр енді басталды. 20 қаңтарға дейін каникул болды. Қазір кіріспе сабақтар өтіп жатыр? Сондықтан біз оқу процесін бұзбауды жөн көрдік. Қалауы бойынша студенттер онлайн оқи алады", - деді Саясат Нұрбек Үкіметтің баспасөз орталығында.
Айта кетейік, бүгінде қаладағы 35 жоғары оқу орнында шамамен 200 мың студент оқып жатыр.
Еске салайық, 23 қаңтарда Алматыда жер сілкінісі болды. Қазақстан Республикасы Төтенше жағдайлар министрлігі "НТЦСН и И" сейсмикалық станциялар желісі Алматы уақыты бойынша сағат 2024 жылғы 23 қаңтарда сағат 00:09:02-де (2024 жылғы 22 қаңтарда Гринвич бойынша 18 сағат 09 мин 02 сек) жер сілкінісі тіркелгенін хабарлады. Жер сілкінісі MSK-64 шкаласы бойынша Алматыда 5 балл, Шымкент 2 балл болып сезілген.
Артынша жер сілкінісі тағы да сезілді. Көп ұзамай жер сілкінісінің үшінші толқыны сезілді.
Алматыда жер сілкінісі қайталанбайды
Сейсмикалық болжау комиссиясы Алматыдағы жағдай бойынша қорытынды жасады. Сейсмологиялық бақылаулар мен зерттеулердің ұлттық ғылыми орталығының базасында комиссия Алматы болжамдық полигонының аумағындағы сейсмикалық жағдайға бағалау жүргізеді. Оның қорытындысы бойынша комиссияның кезектен тыс отырысының хаттамасы дайындалады.
"Комиссияның қорытындысына сәйкес күшті және жойқын жер сілкінісі күтілмейді", - деп жазылған хабарламада.
Мемлекет басшысы Қасым-Жомарт Тоқаев алдын ала жоспарланған жұмыс кестесіне сәйкес 24-25 қаңтар күндері Алматыға барады. Бұл туралы Президенттің баспасөз хатшысы Берік Уәли хабарлады.
Президент мегаполистегі бірқатар нысанды аралайды. Соның ішінде Қаңтар оқиғасынан кейін күрделі жөндеуден өткен әкімдік ғимаратына барып, қаладағы жағдайға байланысты жиын өткізеді.
Алматы қалалық полиция департаментінің қызметтері мен бөлімшелері қызметтің күшейтілген нұсқасына көшірілді. Қаладағы жағдай тұрақты.
Аптаның басты оқиғалары мен пайдалы видеоларды көру үшін YouTube арнамызға жазылыңыз
А. Жайыққызы