Алматыда Жандосов көшесінің бір бөлігінде көлік қозғалысы уақытша шектеледі, - деп хабарлайды Massaget.kz тілшісі.
Әкімдік мәліметінше, Жандосов көшесінің бір бөлігінде орташа жөндеу жұмыстары жүргізілуіне байланысты көлік қозғалысына уақытша шектеу енгізіледі.
"27 тамыз сағат 22:00-ден 30 тамыз сағат 06:00-ге дейін қала шекарасынан Дәулеткерей көшесіне дейінгі учаскеде реверсивті қозғалыс ұйымдастырылады. Жол толық жабылмайды. Жол қозғалысына қатысушылардан уақытша қолайсыздыққа түсіністікпен қарап, белгіленген жылдамдық режимін сақтауды сұраймыз", - деді әкімдік өкілдері.
Сурет: Алматы әкімдігі
Еске салайық, биылғы жазда Жандосов көшесіндегі қозғалыс үш рет шектелген еді.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова