Алматыда екі автобус соқтығысты: зардап шеккендердің жағдайы белгілі болды
![Алматыда екі автобус соқтығысты: зардап шеккендердің жағдайы белгілі болды](/userdata/news/news_102931/image_l.jpg)
Алматы денсаулық сақтау басқармасы екі автобустың соқтығысуы салдарынан зардап шеккендердің жағдайы туралы айтты, - деп хабарлайды Massaget.kz тілшісі Tengrinews.kz-ке сілтеме жасап.
10 наурызда Алатау ауданында екі автобустың жол апаты салдарынан алты адам зардап шекті.
"Алматы қалалық N7 клиникалық ауруханасының жедел жәрдем бөліміне бес адам жеткізілді. Зардап шеккендердің барлығы жан-жақты тексерілді. Төртеуі амбулаторлық емдеуге жіберілді, бір науқас ауруханаға жатқызылды. Науқастың жағдайы ауыр және тұрақты. Алтыншы науқас Алматы көпсалалы клиникалық ауруханасына жеткізілді", - делінген денсаулық сақтау басқармасының хабарламасында.
Еске салайық, бұған дейін Алматыда екі автобус соқтығысып, алты адам зардап шеккені туралы жазған едік.
Өзекті жаңалықтарды өз уақытында оқу үшін Facebook парақшамызға жазылыңыз!
А. Жайыққызы