Алаяқ "RustDesk" қосымшасымен ақмолалық тұрғынның 9 миллион теңгесін қолды қылды
![Алаяқ "RustDesk" қосымшасымен ақмолалық тұрғынның 9 миллион теңгесін қолды қылды](/userdata/news/news_88226/image_l.jpg)
Екі алаяқ Ақмола тұрғынының атынан 9 миллион теңге несие рәсімдеген, - деп хабарлайды Massaget.kz тілшісі Polisia.kz сайтына сілтеме жасап.
Ұялы телефонына қашықтан қол жеткізу қосымшасын орнатқан қылмыскерлердің кезекті құрбаны 27 шілдеде полиция бөліміне алаяқтық дерегі туралы өтініш білдірген Жақсы ауданының тұрғыны болды.
Әйел ұялы телефонына белгісіз қыздың қоңырау шалғанын, өзін KaspiBank-тің қызметкері ретінде таныстырғанын және өтініш берушінің деректерін нақтылай келе, оның атынан 15 миллион теңге сомасында несиеге 4 өтінім берілгенін хабарлады. Күдікті әйелді мұны алаяқтар жасағанына және несие беруден бас тарту үшін шұғыл түрде белгілі бір операциялар жасау керек екеніне сендірген.
Күдікті телефонға "RustDesk" қашықтан қол жеткізу қосымшасын жедел жүктеуді талап еткен. Бұдан әрі жәбірленушімен күдіктінің сыбайласы "жұмыс істеген". Ол осы қосымшаның көмегімен әйелдің жеке кабинеттеріне қол жеткізіп және оған әртүрлі банктерде онлайн-несиелер рәсімдеп, сондай-ақ оның шотында 556 мың теңге сомасында сақталған ақшалай жинақтарды ұрлап кеткен.
Жалпы шығын көлемі 9 миллион 114 мың теңге болды. Осы дерекке қатысты полиция бөлімімен ҚР ҚК-нің 190-бабы 2-бөлігі (Алаяқтық) бойынша сотқа дейінгі тергеу жұмыстары басталды. Қылмыскерлердің орналасқан жерін анықтау бойынша жедел-тергеу іс-шаралары жүргізіліп жатыр.
Еске сала кетейік, осыған дейін Түркістан облысында жоғалған әйел 1 миллион теңгеден асатын алтын бұйымдарды сатуға шыққанын хабарлаған едік.
Өзекті жаңалықтарды өз уақытында оқу үшін Facebook парақшамызға жазылыңыз!
Алғабек