Ақтөбедегі мұнай-газ өңдеу зауытындағы өрттен бір адам көз жұмды
![Ақтөбедегі мұнай-газ өңдеу зауытындағы өрттен бір адам көз жұмды](/userdata/news/news_83399/image_l.jpg)
Ақтөбе облысындағы "СНПС-Ақтөбемұнайгаз" АҚ №2 газ өңдеу зауыты аумағында өрттен зардап шеккен төрт адамның бірі көз жұмды, - деп хабарлайды Massaget.kz тілшісі.
Облыстық денсаулық сақтау басқармасының мәліметінше, төтенше жағдай кезінде зардап шегушінің беті, мойыны және аяқтарын жалын шалған. Тыныс алу жолдары зақымдалған. Жағдайы өте ауыр науқас 3 мамырда санавиация арқылы Астана қаласына жеткізілген. Ал бүгін таңертең Астанадағы √1 қалалық ауруханада науқас көз жұмды.
Еске сала кетейік 3 мамырда "СНПС-Ақтөбемұнайгаз" АҚ №2 газ өңдеу зауытының аумағындағы қондырғы өртенген еді. Күйік шалған төрт жұмысшы Темір аудандық ауруханасына шұғыл түрде жеткізілген болатын.
Кәмшат Сексенбай
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Қ. Әбілдәқызы