Орал қаласында орналасқан Жәңгір хан атындағы Батыс Қазақстан аграрлық-техникалық университетінің студенттері Оңтүстік Кореялық орындаушы PSY-дың Gangnam Style клипіне пародия түсірді.
Роликті түсіру туралы идея жастарға студенттік кешке дайындық барысында келіпті. "Біз осылайша Gangnam Style-ға пародиялық ролик түсіруді шештік, - деп сұхбат беріпті журналистерге оқу орнының 1 курс студенті Абылай Оразалин. - Біз группаластарымызбен жиналып клиптің сценрийін жазып шықтық. Түсіру және монтаж жұмыстарына кәсіби мамандар көмектесті. Клипті түсіруге бір күндей уақыт кетті".
writeFlash({"src":"https://www.youtube.com/v/VQgusZXqvWE","width":"450","height":"234"});
Клип студенттердің қиын да көңілді өмірі туралы баян етеді. Роликте басты рөлді бірінші курс студенті Мақсат Тарғынов сомдаған. Мақсаттың түр әлпеті де Оңтүстік Кореялық әншіге келіңкірейді екен.
Дайындаған: Еркебұлан Қайрахан
сурет: YouTube сайтынан кадр