Жылқы жүрісінің түрлері

Жылқы жүрісінің түрлері

Қазақ халқы жылқыны жете танып, оны қадір тұтқан. Төрт түліктің төресі санайды. Тұлпарды ердің қанатына теңейді. Қасиетті түліктің бар келбетіне баса мән берген. Жүріс-тұрысына дейін аңғарған, ат қойған. Олай болса жылқының жүріс түрлерін айта кетейік. 

Аяң – аттың қатты емес, баппен ақырын жүрісі.
Өгіз аяң – өте жай жүріс.
Сылбыр аяң – босаңсып, ілби басқан жүріс.
Сары аяң – бірқалыпты жедел жүріп отыру.
Ырғақ – шабандап жүру.
Қара жүріс – шаппай, желмей аяңдап отырып ұзақ жол жүру.
Бүлкіл– аяңнан тездеу болатын жүріс.
Құлан бүлкіл – екпіндете бүлкілге басып жүру.
Желіс – аяң не шабыс емес жеделдете, шоқырақтап жүру.
Бөкең желіс – орта екпінде бөкеңдеп шабу.
Сар желіс – ағынды өте жедел күшті желіс.
Текек – желіс пен шабысаралық шапшаңдықтағы бірқалыпты емес, секектей жайсыздау желу.
Жортақ – аттың желістен бәсеңдеу екпіндей бүлкілдей жүруі.
Шоқыту – текіректеп желіп келіп, біраз шауып барып, ірку.
Текірек – аттың жайсыз шоқақтап желуі.
Қалмақ желіс – жортуылдап тынбай жүру.
Шабыс – аттың бауырын жаза, қос аяқтап, екпіндете желдей есіп шабуы.
Ағынды шабыс – көсіле, заулай шабу.
Майшоқырақ – жайлап қана шабу.
Жорға – төрт аяқты тең салып, тайпала-тайпала ырғатылып, адамға жайлы келетін жылқы жүрісі.
Жол жорға – жүріске барабар адамға жайлы, митыңдаған жорға.
Үш аяқ жорға – жорғасынан жаңылып, текіректей желіп барып түзеп алатын жорға жүріс.
Су жорға – жаңылмайтын шапшаң жорғалау.
Тайпалған, төкпе жорға – екпіндей сәнімен, төгілтіп жорғалау.
Су төгілмес жорға – аяқ тастауы тең, жайлы жорға.

Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

Бүгінгі қазақтың тұрмысына лайық тұлпар қандай?
Бүгінгі қазақтың тұрмысына лайық тұлпар қандай?
Әлемнің ең биік шыңын бағындырған тұңғыш қазақ
Әлемнің ең биік шыңын бағындырған тұңғыш қазақ
Қашықтан жұмыс істеудің денсаулыққа зияны
Қашықтан жұмыс істеудің денсаулыққа зияны
Назарбаев университетінің басқа жоғарғы оқу орындарынан басты ерекшелігі неде?
Назарбаев университетінің басқа жоғарғы оқу орындарынан басты ерекшелігі неде?
Баланың ішкі мотивациясын қалай оятуға болады?
Баланың ішкі мотивациясын қалай оятуға болады?
"Абай жолының" қысқаша мазмұны. IV том, "Қапада"
"Абай жолының" қысқаша мазмұны. IV том, "Қапада"