Алматылықтарға серуендеуден бас тарту ұсынылды
Фото:
Pixabay.com
Қазгидромет Алматыда ауа райына байланысты ескерту жариялады. 26 маусымда күндіз қалада қатты ыстық болады. Термометр бағаны 36 градусқа дейін көрсетеді, - деп хабарлайды Tengrinews.kz.
"Ыстық ауа райы, әсіресе, жүрек-қан тамыры аурулары, артериялық гипертониясы бар, сондай-ақ, инфаркт, инсультпен ауыратын адамдар үшін қауіпті. Серуен, шамадан тыс физикалық белсенділіктен шектеліңіз.
Дәрігердің нұсқаулығын нақты орындап, берілген дәрі-дәрмектерді уақтылы қабылдау қажет. Артериялық гипертензиямен ауыратын адамдар қан қысымын үнемі қадағалап отыру керек", - деді ТЖД өкілдері.
Олар қала тұрғындары мен қонақтарын күн өтіп кетпеу үшін серуендеуден бас тартуға шақырды.
Ж. Қадыржанова