Алматыда 1 маусымда азық-түлік сатпайтын базарлар ашылады

Алматыда 1 маусымда азық-түлік сатпайтын базарлар ашылады

Алматы кәсіпкерлік және инвестиция басқармасының басшысы Еркебұлан Оразалин карантин кезеңіндегі азық-түлік және азық-түлік емес базарларының жұмысы туралы айтып берді, - деп хабарлайды Tengrinews.kz.

"25 мамырдан бастап, яғни алдағы дүйсенбіден бастап, біз ХҚКО-лар мен бұрын жабылған азық-түлік сататын орындар және ондағы әмбебап базарлардың жұмысын жаңартуды жоспарлап отырмыз. Бұл базарлар 25 мамырдан бастап бір уақытта ашылады деген сөз емес. Олар санитарлық-эпидемиологиялық нормативтерге сәйкестігі туралы акт өткеннен кейін ғана жұмысын бастайды", - деп түсіндірді Еркебұлан Оразалин.

Оның айтуынша, карантин кезінде осындай 23 нысанның тек 13-іне ғана жұмыс істеуге рұқсат берілген.

"Қазір 10-ға жуық базар қалып отыр (жабық - автор). Сондай-ақ, 11-шіcі бар, бұл даладағы "Барыс" базары. Олардың барлығы 25 мамырдан бастап қабылдауға дайындалып жатыр, комиссиямен жұмыс істеп жүр. Өкінішке қарай, әзірше бәрі жұмысқа дайын деп айта алмаймыз", - деді Еркебұлан Оразалин.

Кәсіпкерлер ашылу үшін бұрынғыдай infoalmaty.kz сайтына өтінім бере алады.

Сонымен қатар, кәсіпкерлік басқармасының басшысы азық-түлік емес нарықтарға қатысты ақпарат берді.

"Азық-түлік емес базарлар бойынша комиссиялық шешім қабылданғанын растаймыз. Алдын ала мәліметтер бойынша, тиісті аудиттен өткеннен кейін олар 1 маусымнан бастап жұмысқа оралады", - деп атап өтті Еркебұлан Оразалин.

Еске салайық, Алматыда 25 мамырдан бастап СҮ, СО, СОО аумағында орналасқан азық-түлік емес бутиктер, сұлулық салондары, химиялық тазалау орындары және мейрамханалар жұмысын қайта бастайды. Сауда нысандарының жұмысы 23.00-ге дейін рұқсат етіледі. СҮ, СО және СОО аумағындағы тамақтанатын орындардың ашылуы келесі, екінші кезең аясында жоспарланып отыр. 

Сондай-ақ, 25 мамырдан бастап Алматыда қонақ үй кешендерін, қоғамдық тамақтану нысандарын және діни ғимараттарды кезең-кезеңмен іске қосу жоспарланды.

 
Бөлісу:
Пікір қалдыру үшін сайтқа кіріңіз
Өзгерту

Соңғы жаңалықтар

АҚШ-та коронавирустың екінші толқыны себепті бункерлер қымбаттады
АҚШ-та коронавирустың екінші толқыны себепті бункерлер қымбаттады
Қазақстанда сатып алған көлікті бірден автосалонда тіркеуге болады
Қазақстанда сатып алған көлікті бірден автосалонда тіркеуге болады
Планетадағы ең суық жер 17 жыл ізденістен соң табылды
Планетадағы ең суық жер 17 жыл ізденістен соң табылды
ДДҰ Қазақстандағы коронавирус бойынша деректерді біріктірді
ДДҰ Қазақстандағы коронавирус бойынша деректерді біріктірді
Мектеп бағдарламасына "Абайтану" оқулығы енгізіледі
Мектеп бағдарламасына "Абайтану" оқулығы енгізіледі
Ағылшын дәрігері өкпені коронавирустан қорғау әдісін көрсетті (видео)
Ағылшын дәрігері өкпені коронавирустан қорғау әдісін көрсетті (видео)