Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Массагетте қалай блог жазамын?
Массагетте қалай блог жазамын?

Автор: Ербол Жұмабайұлы

Статус: Арнайы жобалар директоры

Материал жіберу БЛОГ ЖАЗУ
Негізгі / Мәңгілік ел / Жаңалықтар / Шәкен Айманов фильмдерін енді Youtube-тен көруге болады

Шәкен Айманов фильмдерін енді Youtube-тен көруге болады

Шәкен Айманов фильмдерін енді Youtube-тен көруге болады

«Қазақфильм» киностудиясы қазақ киносының саңлағы, КСРО халық артисі Шәкен Аймановтың туған күніне орай хас шебердің актерлік және режиссерлік жұмыстарын YouTube желісіндегі өзінің ресми арнасына жүктеп қойды.

 - 15 ақпан – еліміздің киногерлері үшін ерекше күн. Бүгін аты аңызға айналған Шәкен Аймановтың туған күні. Киностудияның ресми әлеуметтік желілерінде отандық фильмдерді ғаламтордан қалай көруге болатыны туралы жиі сұрайды. Біз YouTube желісіндегі арнамызды үнемі жаңартып отыруға тырысамыз. Сондықтан да қазақ киносының классигі Шәкен Кенжетайұлы қатысқан барлық фильмдерді youTube желісіне жүктеп, барлық қазақстандықтарға осындай сыйлық жасауды шештік, - деді «Қазақфильм» киностудиясының президенті, Қазақстанның еңбек сіңірген қайраткері Арман Әсенов.

Шәкен Айманов кино әлеміне 1938 жылы келді. Дәл сол жылы ол қазақтың тұңғыш дыбысты фильмі «Амангелді» картинасының эпизодына түскен болатын. Одан кейін актер «Райхан», «Ақ Раушан», «Абай әндері», «Алтын мүйіз», «Жамбыл», «Біз осында тұрамыз», «Біздің сүйікті дәрігер», «Бір ауданда», «Алдар-көсе» және «Қиылыс» фильмдеріне түскен.

1954 жылы Айманов режиссер ретінде өзінің алғашқы фильмін түсірді. Жалпы өзінің шығармашылық жолында ол 11 көркем туындыларды жасап шығарды, олар: «Дала қызы», «Махаббат туралы дастан», «Біз осында тұрамыз», «Біздің сүйікті дәрігер», «Бір ауданда», «Ән шақырады», «Қиылыс», «Алдар көсе», «Атамекен», «Тақиялы періште» және «Атаманның ақыры». Бүгіннен бастап бұл фильмдердің барлығын «Қазақфильм» киностудиясының youtube желісіндегі арнасынан көруге болады.

Одан бөлек, «Қазақфильм» киностудиясы қазақ киносының алтын қорына енген басқа да фильмдерді өзінің youtube желісіндегі ресми арнасына жүктеуді жоспарлап отырғанын айта кеткен жөн.

Естеріңізге сала кетсек, былтыр қазақ айында ресми youtube-арнасына тәуелсіздік жылдары жарық көрген 4 толықметражды және 15 қысқаметражды анимациялық фильмдер жүктелген болатын.

0
Рейтинг: +0

Дайындаған: Ақтоты Жапатова
Фото: Қазақфильм
Қосылған күні: 15 ақпан, 13:34

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.