Отандық 20 сайт жұмысын уақытша тоқтатады

2-3 наурыз аралығында бірнеше мемлекеттік сайт жұмыс жасамайды. Ақпарат «Ұлттық ақпараттық технологиялар» АҚ-ның Фейсбук парақшасында жарияланды.

«Мемлекеттік органдардың серверлік орталығында орналасқан телекоммуникациялық жабдықтарда 2019 жылғы 2 наурыз сағат 21:00-ден бастап 3 наурыз 17:00-ге дейін жоспарлы жұмыстар жүргізіледі», - делінген хабарламада.

Ал жұмысын уақытша тоқтататын интернет-ресурстарының тізімі мынадай:

1. «Электрондық үкімет» порталы;
2. «Электрондық үкіметтің» төлем шлюзі;
3. «Электрондық үкіметтің» сыртқы шлюзі;
4. «Мобильді үкімет» қосымшасы;
5. «Е-нотариат» бірыңғай нотариаттық ақпараттық жүйесі;
6. «Техбайқау» міндетті техникалық байқаудың бірыңғай ақпараттық жүйесі;
7. «Е-лицензиялау» мемлекеттік деректер қоры;
8. «Тауарларды таңбалау» сервистік бағдарламалық өнімі»;
9. «Монополист» базасы сервистік бағдарламалық өнімі;
10. Қазақстан Республикасы Цифрлық даму, қорғаныс және аэроғарыш өнеркәсібі министрлігінің сайты;
11. Қазақстан Республикасы Ақпарат және қоғамдық даму министрлігінің сайты;
12. Қазақстан Республикасы Индустрия және инфрақұрылымдық даму министрлігінің сайты; 
13. Қазақстан Республикасы Денсаулық сақтау министрлігінің сайты;
14. Қазақстан Республикасы Ұлттық экономика министрлігінің сайты;
15. Қазақстан Республикасы Ұлттық қауіпсіздік комитетінің сайты;
16. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің сайты;
17. Қазақстан Республикасы Конституциялық Кеңесінің сайты;
18. Қазақстан Республикасы Жоғарғы Сотының Сайты.
19. Қазақстан Республикасы Ұлттық куәландырушы орталығының сайты;
20. Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің сайты.